U predstavi igraju: Jovan Krivokapić, Maja Stojanović, Nikola Vasiljević, Gordana Mićunović i Boban Čvorović.

Adaptaciju teksta uradila je Tijana Grumić, kostim Velimirka Damjanović, scenografiju Andreja Rondović, a muziku potpisuje Julija Đorđević.  

“Odabravši komad ‘Osvrni se u gnjevu’ nastojali smo da se pozabavimo polarizacijama u društvu kojih je danas sve više, kao i dualnostima koje stoje iza svih tih fenomena. Ako danas pričamo o religiji, braku, izborima, slobodama, gotovo uvijek pričamo o uvjerenjima, a rijetko kad o činjenicama. Ozbornove likove stavili smo baš u jedan takav okvir – u tamni vilajet koji činjenice i istinu ne poznaje, već u kome su osjećanja, lične istine i uvjerenja jedino što se računa. Ako neki od junaka i junakinja ove predstave i uspiju da se bace ka iskupljenju, pitanje je hoće li se time zaista spasiti?”, napisao je reditelj Jug Đorđević.